ഗ്രൂപ്പ് കളിച്ചും മിമിക്രി കാണിച്ചും അഞ്ചു വര്ഷം തുലച്ച അച്ചുതാനന്ദന്റെ ഭരണ നേട്ടം ഇതുവരെയും ലഭിക്കാത്ത രണ്ടു രൂപ അരിയെന്ന മോഹന വാഗ്ദാനം മാത്രമാണെന്ന് കെ എം സി സി നേതാവ് അരിമ്പ്ര അബൂബക്കര് അഭിപ്രായപ്പെട്ടു.അമ്മിനിക്കാട് ജിദ്ദ കെ എം സി സി യുടെ നേതൃത്വത്തില് ശരഫിയ്യ യിലെ പെരിന്തല്മണ്ണ മണ്ഡലം തെരഞ്ഞെടുപ്പു കമ്മിറ്റി ഓഫീസില് സംഘടിപ്പിച്ച തെരഞ്ഞെടുപ്പു കണ് വെന്ഷനില് മുഖ്യ പ്രഭാഷണം നടത്തുകയായിരുന്നു അദ്ദേഹം.സയ്യിദ് ഉബൈദുള്ള തങ്ങള് അധ്യക്ഷത വഹിച്ച യോഗം പി എം എ ജലീല് സാഹിബ് ഉദ്ഘാടനം ചെയ്തു. സ്ഥാനാര്ഥി മഞ്ഞളാം കുഴി അലിയും താഴേക്കോട് പഞ്ചായത്ത് മുസ്ലിംലീഗ് സെക്രടറി കെ പി ഹുസൈനുവും ടെലിഫോണിലൂടെ യോഗത്തെ അഭിസംബോധന ചെയ്തു. എം ടി അഫ്സല്, പി സി നാസര് എന്നിവര് ആശംസകള് നേര്ന്നു.മുഹമ്മദ് അലി മുസ്ലിയാരുടെ പ്രാര്ഥനയോടെ തുടങ്ങിയ യോഗത്തില് സൈദ് മുഹമ്മദ് സ്വാഗതവും അഷ്റഫ് അമ്മിനിക്കാട് നന്ദിയും പറഞ്ഞു.
No comments:
Post a Comment